ရွှေငါးလေး

ကျွန်တော့်မှာ ရွှေငါးကလေးတစ်ကောင်ရှိတယ်
အမြဲတမ်း ပွစိ ပွစိ ပါးစပ်ကလေးနဲ့ပေါ့
ဒါပေမဲ့ အဲ့ဒီ ပါးစပ်ကလေးလှုပ်နေတာ ထိုင်ကြည့်ရင်းပဲ
အရည်တွေ ပျော်ပျော်နေရတယ်
ကဲ ငါးကလေးရေ
ငါ့ကို မင်းပါးစပ်ကလေး ပွစိပွစိနဲ့လုပ်ရင်း
ထပ်ပြီး ပြုစားလိုက်ပါအုံး
ငါ တမေ့တမောကြီး ထိုင်ကြည့်ရင်း
အရည်တွေ ပျော်ပျော်ကျချင်နေသေးလို့။     ။

၁၅၁၂

အဲ့ဒီ ၁၅၁၂ မှာပေါ့
၉ နှစ်သား စည်းကလေး
အနမ်းလေးတစ်ပွင့်နဲ့
ပြိုကြသွားတယ်

ကံနိမ့်သွားတာလား
ကံမြင့်သွားတာလား
ဘာပဲပြောပြော
အဲ့ဒီထဲမှာ ငါ့ရင်ခုန်သံလေးတွေ
လောင်းကြေးထည့်ထားတယ်

ချစ်ဆုံးလေး
ကံကိုပုံပြီး ငါဆူးတောထဲ
မီးနီဖြတ်ကူးလိုက်တယ်
အဲ့ဒီ ၁၅၁၂ ရဲ့
တင်္ဒဂလေးမှာ။ ။

To Whom It May Concern

သမုဒ္ဒရာကြီးတစ်ခုလုံး
မပေးနိုင်မယ့်အတူတူ
ရေတစ်ခွက်နဲ့ လာပြီး
ချွေးမသိပ်ပါနဲ့

ငါကလည်း
တစ်သက်လုံးအတွက် မဟုတ်ရင်
လေးနှစ်လောက်နဲ့တော့
ရှင်ဘုရင် မလုပ်ချင်ဘူး

မနုတ်လောက်လို့
တစ်ဆယ်ချီးမယ့်အတူတူ
ညီမျှခြင်းတစ်ခုရဲ့
ဟိုဘက်ခြမ်းကို နင့်ကိုပို့
အကြွင်းသုညထွက်အောင်ပဲ စားပစ်လိုက်မယ်

တော်ရာပျော်ရာမှာနေ
ပုံမှန်အတိုင်းဆက်ဆံ
ဖားစရာမလို ဖာစရာမလို
ဂရုတစိုက် စောင့်ရှောက်စရာမလို
ချစ်စရာမလို ခင်စရာမလို
ပျောက်သွားသော် လိုက်ရှာရန်မလို
ဖုန်းဆက်ရန် မလို၊ မက်စေ့ပို့ရန်မလို
အိမ်သွားမေးရန် မလို
သေသွားသည်ရှိသော် ငိုရန်မလို
အယောင်အဆောင် လွမ်းသူပန်းခွေချရန်မလို
အမျှဝေရန်မလို ဆွမ်းသွပ်ရန်မလို
ငါ့ဓာတ်ပုံများ အမှတ်တရ ပြန်ကြည့်ရန်မလို
ထို့ကြောင့်
.
.
.
နင်မုန်းလိုက မုန်းနိုင်သည်။

ရည်းစားစာ

စာရွက်ပေါ်မှာပဲ နင့်ကိုချစ်နေယုံနဲ့တော့
ငါ့ဘဝ မှင်ကုန်တာပဲ အဖတ်တင်လိမ့်မယ်။
မပျံသန်းနိုင်တဲ့ ငှက်လို့ပြောတိုင်း
ပင်ဂွင်းငှက်ကို ပြေးမြင်ရင်
နင့်ကို ငါမခေါ်ချင်ဘူး။
ကျောင်းအုပ်ကြီးဖတ်ဖို့ ရေးတဲ့စာမဟုတ်လို့
ကျောင်းသွားဖော်လေး ဖတ်စေချင်တာ
ငါ့စေတနာပါ။
နင့် နှလုံးသားကို နင်ဖုန်းခေါ်ပါ
ပြီးမှ ငါ့ကိုစာပြန်ပါ။

တာရာမင်းဝေ

သင်းကွဲသူများ - ၁

ဒီဆံမျှင်မှာ

နှင်းဆီတွေမှ မဖူးပွင့်တော့ဘဲ
မေ့ထားလိုက်ပါတော့ ကလေးရယ်
အလင်္ကာတွေကိုလည်း ကိုယ်ကပဲ မှုတ်ငြိမ်းစားလိုက်ပါ့မယ်
တစ်ယောက်က တစ်ယောက်ရဲ့အလင်းဖြစ်ချင်ကြ
တစ်ယောက်က တစ်ယောက်ရဲ့ မီးအိမ်ဖြစ်ချင်ကြ
အခုတော့လည်း အားလုံး ဆုံးလျသွားပါပြီ
သွားတော့ ဘေဘီ
ဟိုးမှာ
ညနေခင်းကတောင် ငွေ့ရည်ဖွဲ့နေပြီ။

တာရာမင်းဝေ

ပန်းအိုး

တိတ်တိတ်လေး ကွဲသွားတာပါ …

ရိပ်ခနဲ မြင်လိုက်သူကတော့
မျက်လုံးတစ်ချက် ဝှေ့ကြည့်တယ် …

နှင်းဆီတွေကို ထမ်းရင်း … ထမ်းရင်း
အားပြတ်သွားတာလို့ပြောကြတာပဲ …

ကြာတော့လဲ
ဒီအကြောင်းကို မပြောဖြစ်ကြတော့ဘူး …

တည်ငြိမ်းကို

သတိရခြင်းဆိုတာ

လွတ်လပ်တယ်
တိကျသေချာတယ်
သိုဝှက်ဟန်ဆောင်မှုကင်းတယ်
လုံခြုံတယ်
အချက်အလက်ပြည့်စုံတယ်
ဒါပေမယ့် အထီးကျန်ဆန်တယ်
ဝမ်းနည်းစရာကောင်းတယ်
မရေရာတဲ့မျှော်လင့်ချက်ရှိတတ်တယ်
အဆိုးဆုံးကတော့…
တစ်ဖက်သက်ဆန်တယ်

အယ်လ်ဖြူ

ကာလနဂါး

အရေးတကြီး နိုးထစရာမလိုဘူးဆိုရင်
ငါ ဆက်ပြီး အိပ်နေချင်လို့ပါ ..။
“ဘဝ..” ဆိုတာနဲ့ ဘာလို့ “ရှင်သန်ခြင်း..”လို့
အဓိပ္ပါယ်ဖွင့်ဆိုရတာလဲ
ငါကတော့ အိပ်နေရတာကိုပဲ .. ကြိုက်တယ်၊
ရုပ်ရှင်ထဲက ဇာတ်လိုက်လောက်တော့
ငါလည်း တောက်လျှောက်ကြီး မကောင်းနိုင်ဘူးပေါ့..
သံပတ် ခပ်လျော့လျော့နဲ့ပဲ နေတတ်တယ်။
လေ့ကျင့်ခန်း မှန်မှန်လုပ်မှ
ပထမ ရမယ်ဆိုရင်
ငါ ရှင်ဘုရင်တောင် မဖြစ်ချင်ဘူး ၊
ကျေးဇူးပြုပြီး .. ငါ့ကို
“စောက်ရူး..” လို့ ခေါ်ပါ ။
မမြင်ချင်တာတွေ အားလုံးအတွက်
မျက်စိသေးသေးလေးနှစ်လုံးကို ပိတ်ထားလိုက်ရုံပါပဲ
ဟော .. ငါ ဘယ်လောက်လိမ္မာတဲ့ ကောင်လဲကွယ် .. ၊
ဟောဒီ .. စောက်ရူးမှာ
ယဉ်ကျေးမှု ထွန်းကားပါတယ် ။
ငါ့ဆီ ဂုဏ်ပြုဖိတ်စာ ပို့ဘို့မလို
ငါ့လိပ်စာကို ငါမသိ
ငါ့ အုတ်ဂူကိုလည်း မင်းတို့
အလေးပြုဘို့ အကြောင်းမရှိပေဘူး ။
အို … မိတ်ဆွေတို့
နိုင်ငံကြီးသားအပေါင်းတို့ ..
သွေးနဲ့ကိုယ် သားနဲ့ကိုယ်
မှားယွင်းကြ၊
ပက်လက်မျောဘို့အတွက်
တံတွေးခွက်ကြီးကြီးလိုက်ရှာကြ၊
ငါကတော့
စောင်ထူထူကို ခေါင်းမြီးခြုံ
ကိုယ့် ကိုယ်ကျင့် .. ကိုယ်
စိတ်လုံလုံနဲ့ အိပ်တယ်။
နိုင်ငံကျော်တွေအားလုံးကို .. သနားတယ်၊
မင်းတို့ ငါ့လောက်
ဘယ်သူမှ အိပ်ရေးမဝခဲ့ကြပါဘူး ။

မင်းခိုက်စိုးစံ

ဘာမှန်းမသိတဲ့ ကဗျာ

မုန်တိုင်းမတိုက်ခဲ့သလို
လေပြည်လည်း မလာခဲ့ဘူး
ငါလည်း အသက်ရှုရတာ ခက်ခက်ခဲခဲ

တွေ့တုန်းလွမ်းအောင်ချွဲပြီး
ပြီးမေ့လိုက်ပါ
အဲ့လိုဆို မိုးလေဝသ သာယာတယ်
နှလုံးသားထဲ တိမ်ကင်းစင်တယ်

ဝဋ်နာကံနာ တစ်ခုလိုမချစ်ခဲ့သလို
မြတ်မြတ်နိုးနိုးလည်း မစုံမက်ခဲ့ဘူး
ဘာအချစ်လူးမြှား သုံးရမယ်မှန်း မသိလို့
မြှားနတ်မောင်ကလည်း ကြည့်မရ

ချိုမြိန်တဲ့ဘဝလိုချင်ရင် ကိတ်မုန့်စားပြီး
ခါးသီးတဲ့ဘဝအတွက် ကော်ဖီသောက်ပါ
ကဲ ကြည့်
ဒီလောက် လွယ်ကူတဲ့ဟာ
ဘယ်သူကများ
ဘဝကို ခက်ခဲတယ်လို့ ပြောခဲ့ပါလိမ့်

တောင်ကြီးက သင့်ဆီမလာရင်
သင်ကလည်း တောင်ကြီးဆီ သွားမနေနဲ့
မောတယ်
ကိုယ့်နေရာ ကိုယ်နေပြီး
ကြက်ဆူပင် အဖြစ်နဲ့ မင်းမူတာပေါ့

ချစ်သူပျောက်ကို လိုက်ရှာနေတဲ့ မှတ်ပုံတင်

(၁)

စံပယ်တွေ တ၀ုန်းဝုန်း ရွာချခဲ့တာတောင်မှ
ငါဆိုတဲ့ကောင်ဟာ
ရနံ့ တစ်ခုတလေတောင် စိုစွတ်ခွင့် မရခဲ့ပါဘူး….
(၂)
သူမရဲ့ နဖူးကို ထိတယ်ဆိုရုံကလေး ငါနမ်းခဲ့တာပါ…။
(၃)
ဒါနဲ့များ…
အလွမ်းတွေ ငါ့ရင်ထဲ ၀င်ခွင့်ဗီဇာ ရသွားတဲ့ကာလက
ရှည်လျားလှချည်လားကွယ်…..
ပြောပါ မင်းငါ့ကို ဘယ်တော့ အိပ်မက်မက်မှာလဲ
မင်းပိုင်ဆိုင်တဲ့ အိပ်စက်ခြင်းရဲ့တံစက်မြိတ်အောက်မှာ
ငါတိတ်တ်ိတ်ကလေး ရပ်စောင့်နေတာကြာပြီကွယ်….
(၄)
ငါဟာမင်းရဲ့ သက်ရှိမှတ်ပုံတင် တစ်ခုပါကွဲ့၊
ဟောဒီကောင်ရဲ့ရင်ဘတ်မှာ မင်းလက်ဗွေရာရှိတယ်လေ….
(မှတ်ပုံတင်တစ်ခုက
သူ့ပိုင်ရှင်ကို လိုက်ရှာနေပုံ
အို….လူတွေကို ပြောပြရင်တောင်
ယုံနိုင်စရာ မရှိပါဘူးကွဲ့)
ငါဆိုတဲ့ကောင်ကလည်း၊ မင်းအတွက်နဲ့
သူများတံတွေးခွက်ထဲ ရောက်ရင်တောင်
ပက်လက်တော့ အမျောခံမှာ မဟုတ်ဘူး၊
မင်းဆီကို လက်ပစ်ကူးပြီး လာခဲ့မယ်
(၅)
စံပယ်ပွင့်ရေ…
အချစ်တွေ ဖျားနာသွားတဲ့အထိ
ငါ့အပေါ်ရွာချလိုက်ပါကွယ်
နှင်းဆီအဖြူတစ်ပွင့် ထိုးစိုက်ထားတဲ့ နံနက်ခင်းနဲ့အတူ
ချစ်သူပြန်လာမယ်…..တဲ့
ရွာလှည့်ပါ……လာခဲ့ပါ……
အချစ်ရေ…
မင်း နောင်တ မရစေရပါဘူးကွယ်။

မင်းခိုက်စိုးစံ

ကြေငြာချက်

(၁)
ငါဟာကော်ဖီတစ်ခွက်ပါကွဲ့…
ကိုယ့်ကိုယ်ကိုတောင်ပြန်ပြီး
ခါးသက်သက် ဖြစ်နေခဲ့တာပေါ့။
(၂)
စာအိတ်ထဲ ငါဝင်နေလိုက်မယ်
အပေါ်မှာ ဘာလိပ်စာမှ မရေးပါနဲ့…
ဒီအတိုင်းပဲ စာတိုက်ပုံးထဲ ထည့်လိုက်ပါ
(၃)
ကဖေးဆိုင်လေးထဲက စားပွဲတစ်ဝိုင်းမှာ
… ငါရယ်၊
… ဘယ်အိမ်ပေါက်ဝကိုမှ မရောက်ဘူးတဲ့
စာပို့သမားအိုကြီး တစ်ယောက်ရယ်၊
… ငါ့ဖက်က တစ်ဖက်သတ် အပစ်ခတ် ရပ်စဲလိုက်တဲ့
လမ်းမတစ်ခုရယ်၊
(၄)
ခြေစုံပစ်ပြီး ရင်ခုန်ပစ်လိုက်တယ်…..
ကိုယ့်ကိုယ်ကို မရဏဖွားဖြစ်မှန်း မယုံကြည်လို့၊

မင်းခိုက်စိုးစံ

သစ်ပင်သေဂီတ

ဓားသွေးတဲ့အသံကို
ဂီတမဆန်ဘူးလို့ ဘယ်သူပြောမလဲ
သူလိုငါလို အသက်ရှုရဖို့တောင်မှ
ခွင့်စာရေးပြီးတင်ခဲ့ရတယ် ဟောဒီ၎ ‘သား’ကို
အမေက
ဝဋ်နာကံနာ တစ်ခုလိုချစ်ခဲ့တယ် …
မေမေရေ …
သားဟာမေ့မေ့အတွက်
လက်လွန်သွားခဲ့တဲ့ ဒဏ်ရာတစ်ခုပေါ့
အပွင့်တွေခူးဖို့
တစ်ပင်လုံးခုတ်လှဲခံထားရတဲ့ ပိတောက်ပင်လို
မေမေ့ကိုမြင်မိတယ်
(အစကတည်းက ဒီလိုမှန်းသိရင်
သား … မဖူးပွင့်ချင်ခဲ့ပါဘူး မေမေရယ်)
“နာကျင်နေတဲ့ နှလုံးသားကို
ရှာဖွေရတာ အလွယ်ကူဆုံးပဲ” … တဲ့
သစ်ခုတ်ဓားဟာ
အမေ့နှလုံးသားကိုပဲ
“အလွယ်တကူ” ရှာဖွေထိုးစိုက်ခဲ့တော့တယ် ….

မင်းခိုက်စိုးစံ

စိတ်နာသူမှတ်တမ်း

ဘဝမှာ      
နည်းပြဆရာ မလိုပါဘူး၊
ရေကူးသင်နေတာမှ မဟုတ်ပဲ အချစ်ရေ …
    နစ်ပြီးသေရမယ်ဆိုလည်း
    သေပျော်ပါတယ်၊
ကြည့်စမ်း … ဒီမှာ
သစ်ရွက်ပေါ် မိုးရေစက်လေး တစ်စက်ကျလာတဲ့ပုံ၊
ငါကတော့
ဟောဒါ မုတ်သုန်ရာသီပဲဆိုတာ … ယုံတယ်။
အချစ်ရဲ့ ကျေးဇူးတော် ဂုဏ်တော် အဆောင်အယောင်ကို
လှောင်ပြောင်စော်ကားရဲတဲ့
ငါ့ရဲ့ အမိုက်မဲလေးရေ …
    ကိုယ်ဆိုတဲ့ ခပ်ညံ့ညံ့ငနဲက
    မင်းကိုလည်း ယုံခဲ့မိတာပေါ့ …။
အလွမ်းနှစ်တစ်ရာအထိ
ကျမ်းသစ္စာ ကျိန်ဆိုလိုက်ဦးမယ် …
ကြေကွဲမူတွေ အကုန်လုံးကိုလည်း
ခုံရုံးမှာ တင်ပြမယ် …
    ငါက ရှုံးပြီးသားမဟုတ်လား
    တရားခွင်ရဲ့ “အဆုံးအဖြတ်” ကို၊
    ငါ မတောင်းဆိုပါဘူး၊
ကောင်မလေးရေ …
မင်းပေးမယ့် “အရှုံးအမြတ်” ပဲလိုတယ် …
    ငါ့ကို အဆုံးသတ်ပေးပါတော့ကွယ် …။
ဘယ်အရာကိုမှ မယုံကြည်တော့တဲ့အထိ
အရာရာကို ယုံကြည်ခဲ့မိသူ တစ်ယောက်လေ …
    ချစ်သူကိုဆဲ
    ရေကူးနည်းပြတွေကို ဆဲ … နဲ့
(ဒီကောင် …) ဘဝမှာ
ခွေးကူးကူးရဲဖို့ပဲ လိုတော့တယ်။

 မင်းခိုက်စိုးစံ

ချာတိတ်ကလေး တစ်ယောက် အကြောင်း

(၁)
ကျွန်တော်ဟာ “မမ” ရဲ့ နွားကလေးတစ်ကောင်ပေါ့၊
နစ် ချင်လွန်းလို့
ရေတိမ်တိမ်ကိုမှ လိုက်ရှာခဲ့တာပါ။
(၂)
အဝေးပြေးလမ်းမကြီး တစ်ခုလုံး ရင့်မှည့်နေခဲ့ပြီ
ကျွန်တော် … အိမ်ကို ဘယ်လို ပြန်ရမှာလဲ ?
(၃)
ငယ်ငယ်တုန်းက အတန်းထဲမှာ
လက်လှဲပြိုင်ရင်
အနိုင်ရချင်ခဲ့တဲ့ ကလေးလေးတစ်ယောက်ဟာ
    … ကျွန်တော်ပေါ့။
အခုတော့ …
နွေရောက်ရင် သိမ်းဆည်းရတဲ့ အနွေးထည်လို
ကိုယ့်ကိုယ်ကိုယ် လုံးထွေးပြီးတော့သာ
    ထိုးထည့်ထားလိုက်ချင်တော့တယ်
(၄)
အလွမ်းကို ဂြိုလ်စာကျွေး
ငေးကြည့်ခြင်းနဲ့ပဲ ရေမီးပူဇော်ခွင့်ပြုပါ။
(၅)
ကျွန်တော့်ကို အပြစ်မတင်လိုက်ကြပါနဲ့ဗျာ … ၊
    မမြင်ဖူးတဲ့ လူ အတွက်တော့
    “မူး” ကိုလည်း “မြစ်” လို့ ထင်ခွင့်ရှိတယ် မဟုတ်လား။

မင်းခိုက်စိုးစံ

ငါး

(၁)

ငါးတွေဟာ သွေးအေးတယ်၊
နှုတ်ဆိတ်တယ်။
တိုးတိတ်လွန်းတော့လည်း အဲဒီရင်ခုန်သံကို
မင်း ကြားရလိမ့်မယ် မဟုတ်ပေဘူး။
(၂)
ကြယ်တွေကို ခူး ခူးပြီး
မင်းကို ပန်ပေးချင်ခဲ့တာပါ…
ဒါပေမယ့်…
အိပ်မက်တွေက ဖိတ်တစ်ဝက် စင်တစ်ဝက်
နွေဦးရက်တွေ ရောက်တဲ့အထိတောင်
မက်ခွင့် မရလိုက်ပါဘူး။
ဆူးတွေများလွန်းတဲ့ ဥယျာဉ်က
ရနံ့ကျတော့ နည်းလွန်းနေခဲ့တယ်။
(၃)
တစ်နေ့ခင်းလုံး
ကိုယ့်လက်ဖဝါးပေါ် မေးထောက်ပြီး
သစ်သားမီးခြစ်ဆံတွေနဲ့ အိမ်ဆောက်ကြည့်နေခဲ့တယ်…
ငါ ဘာကို စားသောက်ခဲ့ပြီးပြီလဲ???
(၄)
တစ်ဘဝစာ…
ခပ်ကြာကြာ ကြည့်ခွင့်ရလိုက်ရုံလေးတင်ပါပဲ။
(ဒီအပြင် ဘာမှ မပိုခဲ့ဘူး)
ကောင်မလေးရေ…
ငါ ဆိုတဲ့ ကောင်က သွေးအေး
ယဉ်ယဉ်ကျေးကျေးလေးပဲ…
… လွမ်းတယ်။

မင်းခိုက်စိုးစံ

ဆပ်ကပ်

လူကြီးလူကောင်းမ တစ်ယောက်
လက်ဖျောက်တစ်ချက် တီးလိုက်တယ် …
        ဆပ်ကပ်ဆရာ တစ်ယောက်က
        ခွေးလိမ္မာကို အချက်ပေးသလိုမျိုး
အဲဒီမှာ … ရိုကျိုးနေတဲ့ ငါ့နှလုံးသားကလည်း
မီးကွင်းထဲ ကျွမ်းထိုးဝင်လိုက်တော့တာပဲ …။

မင်းခိုက်စိုးစံ

စုန်းမ

ဆယ့်နှစ်ကြိုး ကဝေအတတ်နဲ့ …
(ငါ့ရင်ထဲက) မီးခတ်တဲ့ စကားလုံးတွေကို သတ်ငြိမ်း
အိပ်မက်သိမ်းတမ်း ပြုစားတတ်တဲ့ “ရွာသူ” ရေ …။
ရင်ခုန်သံတွေကိုပဲ ခေါစာ ပစ်လိုက်တယ် …
သခင်မ … ပျော်ပါ … ပါးပါ၊
    စားပါ… သောက်ပါ၊
မရိုမသေ တမ်းတမိတဲ့
ဟောဒီက အမိုက်အမဲကိုလည်း
    အပြစ်က လွှတ်တော်မှုပါ။
မီးစတစ်ဖက် ရေမှုတ်တစ်ဖက်နဲ့
အကြည့်လက်လက်တွေကိုလည်း
    ပေးသနားတော်မှုပါ။
“တရားဝင် စစ်ကြေညာပြီး မတွယ်တာရရင်
ဘာကိုမှ မလုပ်ချင်ဘူး” ဆိုတဲ့
ဟောဒီက ငပျင်းအတွက်
လက်ကြောတင်းအောင် လွမ်းခွင့် ပြုတော်မှုပါ …။

မင်းခိုက်စိုးစန်

သူငယ်တန်း

(၁)
“အချစ်” ဆိုတဲ့ စကားလုံးကို
ရေးတတ် ဖတ်တတ်တယ်ဆိုရုံလေး
        မင်းက သင်ကြားပေးလိုက်တယ်
(၂)
မကျွတ်မလွတ်နိုင်သေးတဲ့ အိပ်မက်ထဲမှာ
မင်းဘယ်တော့ အမျှဝေမှာလဲ ?
(၃)
လွမ်းနေရတာကိုက
အမှားကို နှစ်ကိုယ်ခွဲနေရသလိုပဲ၊
(၄)
ကတိဖျက်သူဟာ
ကတိပေးသွားတဲ့သူသာ ဖြစ်တယ်လေ …။

မင်းခိုက်စိုးစံ

နမ်မီးဆစ်

ဘ၀မှာ….
မျက်နှာချင်းဆိုင်ရတာလွန်းတော့လဲ
လူချင်းမှားပြီး
နှုတ်ဆက်မိတာတွေ…များလွန်းတယ်။
ကောင်မလေးရေ
“မင်္ဂလာပါ”
မင်းကိုငါလူမှားခဲ့ပါသလား…။

မင်းခိုက်စိုးစံ

ရောဂါ

(၁)
ရှင်ကွဲ ကွဲခဲ့ပုံကတော့
သူလိုငါလိုပါပဲ …။
(၂)
ကြယ်တွေကလဲ တိတ်တိတ်ကလေးပဲ လင်းတယ်။
(၃)
သံယောဇဉ်ဆိုတာ သကြားလုံးတစ်မျိုးပဲ မဟုတ်လား …၊
အချို သိပ်ကြိုက်တဲ့ သူဟာ
တစ်နေ့နေ့မှာ သွားပိုးစားခံရမှာ သေချာတယ်။

(၄)
အဲ့ဒီအခါ … မငိုပါနဲ့၊
မျက်ရည်ဆိုတာဟာလည်း ပုံတိုပတ်စ တစ်ခုပဲလေ …
(၅)
ကိုယ့်ကိုယ်ကို
လမ်းကြိုလမ်းကြား သေးသေးလေးဖြစ်အောင်ဖန်ဆင်း
ဘယ်သူမှမသိတဲ့ မြို့တစ်မြို့မှာ
ကျောခင်းပြီး လှဲနေလိုက်ပါ …
ပိုးလောက်လန်းတွေကို စစ်နေရမှာနဲ့စာရင်
အချစ်ကို သွန်ပစ်လိုက်ရတာက ကောင်းတယ်။

မင်းခိုက်စိုးစံ

ညီမလေးဖတ်ရန်

ညီမလေး
လောကကြီးအကြောင်းကို နားလည်စရာ မလိုဘူး
လူတွေအကြောင်း နားလည်ဖို့ပဲ လိုတယ်

ညီမလေး
လူတိုင်းအထင်ကြီးတဲ့ ဘွဲ့တွေ ဒီဂရီတွေ မရှိရင်နေ
ကောင်းမှု မကောင်းမှုတော့ ခွဲခြားသိပါ

ညီမလေး
လုပ်မိခဲ့တဲ့ အမှားတွေအတွက် ရှက်ရွံ့ဖို့ မလိုဘူး
အမှားတွေထဲမှာအလျားလိုက်ဖြစ်ဖြစ် ဒေါင်လိုက်ဖြစ်ဖြစ် ပျော်မနေဖို့ပဲ လိုတယ်

ညီမလေး
မိန်းကလေး၊ ယောကျာ်းလေးဆိုတဲ့ စည်းတစ်ခုနဲ့ အရာရာမှာ တွန့်ဆုတ်နေဖို့ မလိုဘူး
လူလူချင်းဆိုတဲ့ အသိနဲ့ အဲ့ဒီစည်းကို ခွနင်းပစ်လိုက်စမ်းပါ

ညီမလေး
ကြိုးတပ်ခံထားရတဲ့ စွန်တစ်ကောင်လို သူများထိန်းချုပ်ခံပြီး အမြင့်မှာနေမယ့်အစား
လမ်းဘေးမှာပေါက်တဲ့ မြက်ပင်စိမ်းလေးလို မြေကြီးရဲ့ ရင်ခွင်မှာ ကိုယ့်အမြစ်ကို ကုပ်ဆွဲ ခေါင်းမော့ပြီး ရှင်သန်ပါ

ညီမလေး
အိမ်မှာမွေးတဲ့ Hamster လေးတွေလို ငြိမ်သက်တိတ်ဆိတ်
အရာရာမှာ ဗိုင်းကောင်းကျောက်ဖိ သမီးလိမ္မာလေးဖြစ်မယ့်အစား
တောနက်ထဲက ဝံပုလွေမတစ်ကောင်လို ကြမ်းတမ်းရိုင်းစိုင်းပါ

ညီမလေး
ခေါက်ရိုးကျိုးနေတဲ့ ဓလေ့ထုံးစံတွေထဲမှာ အညောင်းမိမခံနဲ့
ကိုယ့်ဟာကို ဆွဲဆန့် ကိုယ့်ဦးနှောက်နဲ့ ကို ရွက်လွင့်ကြည့်စမ်းပါ

နောက်ဆုံး
ခေါင်းပေါင်း ပုဝါစလို အမြတ်တနိုးဝတ်ဆင်ခံရမယ့် ဘဝမှာသာ လှည့်မကြည့်ပဲ နေချင်နေမယ်
ခြေသုတ်ခုံလို ဘဝမျိုးရောက်ခဲ့ရင်တော့ အိမ်ဖြူတော်မှာ ဖြစ်နေစေဦး
ပြန်လည်ရှာဖွေ သိမ်းဆည်းမယ့် အကို တစ်ယောက်လုံးရှိတာ သတိရပါ

ဆုံးဖြတ်ချက်

အချိန်က ည ၂ နာရီ
ညက အေးအေးချမ်းချမ်းနှင့် တိတ်ဆိတ်နေလေသည်။
အဝေးရှိ ကားလမ်းမပေါ်မှ ကားများ အသံကို ရံဖန်ရံခါမှ ကြားရသည်။
သို့သော် ကျွန်တော့်စိတ်များ ထိုင်းမှိုင်းနေဧ။်။
ထိုဆုံးဖြတ်ချက်ကို ချရန် ကျွန်တော် ဝန်လေးနေတာလည်း ပါသည်။
ကိုယ့်ကို ကိုယ်လည်း မကျေနပ်။ ဒီလောက် ဆုံးဖြတ်ချက်လေး တစ်ခုအတွက် ဒီလောက် အချိန်ကြာရန်မသင့်။
ဒါပေမဲ့လည်း ဘယ်လိုမှ ဆုံးဖြတ်မရသေး။ အချိန်ကလည်း လင့်နေပြီ။
ထိုအချိန် ကျွန်တော် ခေါင်းထဲ အတွေးတစ်ခုပေါ်လာသည်။ ငါ ကံကြမ္မာရဲ့ အဆုံးအဖြတ်ကို ခံလိုက်တာပဲ ကောင်းမယ်။
ဟုတ်တယ်။
ဒီလိုနဲ့ ကျွန်တော် ပိုက်ဆံ အကြွေစေ့များထည့်ရာ စုဗူးလေးသို့ လက်ကရောက်သွားသည်။
စုဗူလေးကို လှမ်းယူလိုက်တော့ စုဗူးလေးက သူမျိုချထားသော့ အကြွေစေ့လေးများနှင့် မရှုနိုင်မကယ်နိုင်ဖြစ်နေသည်။
စုဗူးလေးဧ။် အဖုံးကို အသာဖွင့်ပြီး အကြွေစေ့တစ်စေ့ကို လှမ်းယူလိုက်သည်။
လက်ညှိုးနှင့် လက်မကြား အကြွေစေ့လေးကိုတင်လိုက်ပြီး ဘုရားကို အာရုံလှမ်းယူလိုက်သည်။
နောက် လေထဲသို့ လက်မနှင့် အသာတောက်လိုက်သည်။
ချွင်
.
.
အကြွေစေ့လေး ကြမ်းပေါ်မှာ လည်နေသည်။
သူလည်နေတာလေးကို ကြည့်ကောင်းကောင်းနှင့် ကျွန်တော် ကြည့်နေသည်။
တစတစနှင့် သူအရှိန်လေးနှေးလာသည်။ သူ့ကြည့်ရင်း ဘုရားဟောသော မမြဲခြင်းတရားတွေက ခေါင်းထဲ အစီအရီပြေးနေလေသည်။
နောက်ဆုံးရပ်သွားတော့ ကျွန်တော် မဝံ့မရဲ ကြည့်လိုက်သည်။
ခေါင်း
Damn it.. ကိုယ့်ဟာကို ကျိန်ဆဲရင်း စိတ်ပျက်လက်ပျက် ရေရွတ်မိသည်။
မနက်ဖြန် ရုံးသွားတာပေါ့ကွာ...

မီးတောက်ရစ်သမ်

(၁)
အခုလို …
လှပအေးစက်နေတဲ့ညမှာပဲ
ငါ … ပျိုးထားတဲ့ မြနှင်းဆီဟာ …
ကြယ်တစ်ရာ ခြံရံပြီး ကြွေကျသွားခဲ့တယ်။

တိမ်လွှာမျဉ်းကောက်တွေကလည်း
ချစ်သူတစ်ယောက်ရဲ့ မီးအိပ်မက်မှာ
ရွှေမျက်ရည်တွေ စိုလက်လာပြီလို့
မှိုင်းညို့နေတဲ့ ကောင်းကင်ကြီးကို
တီးတိုးပြောကြားလိုက်တယ်။

“ချစ်ခြင်းမေတ္တာဟာ”… ဟာ
မှော်ဆရာတစ်ယောက်ရဲ့နိဂုံးလို
နောက်ဆုံးမှာ …
မီးခိုးလုံးများ ဖြစ်သွားရော့မလား…လို့
နှုတ်ခမ်းကိုက်ပြီး…ငါစဉ်းစားဖူးတယ်။

လူငယ်တစ်ယောက်ကို ပြုစားဖို့
ဘယ်နတ်ဘုရားထံမှာ
နင့်လက်တွေ ဖြန့်ကား တောင်းခံခဲ့သလဲ …
ငါ့ရာဇ၀င် ခပ်ကျဲကျဲကို
ငရဲမီးထဲ တွန်းချလိုက်ချင်တယ်။
သံယောဇဉ်…ဆိုတာ
အရောဝင်လို့မကောင်းတဲ့ ခွေးကလေးပါပဲ …။

လောကဓံဦးတုန်းက …
အလွန်းအကြူး သောက်ခဲ့တဲ့ အရက်တစ်ခွက်
ခုမှ…စံပယ်ရွက်ပေါ်မူးလဲ…
အသည်းကွဲတယ်…ဆိုတာ
သီချင်းလေးတွေ တိုးတိုးညည်းရင်းက …
ထိရှခဲ့တဲ့…သွေးမဲ့ဒဏ်ရာ တစ်ချက်ပါ…
သိုးကျောင်းသားရဲ့ ခံနိုင်ရည်နဲ့
နတ်ဘီလူးတွေရဲ့ သတိရခြင်းမျိုးက
ငါ့ကို…ဆီးမိုးထားတယ်…။

စက်ရုပ်ကို ဒူးထောက်ကျစေတဲ့
နင့်ရဲ့…မျက်ဝန်းစိမ်းလဲ့မှာ…
ငါ…ဘယ်လိုမှ မေ့မရတဲ့
မဟာလကာင်္ တစ်ပိုင်းတစ်စ…ရှိနေလေရဲ့။

အဲဒီလိုနဲ့ပဲ
ငါ ပြန်လည် ချည်နှောင်ခဲ့ပါမယ်…
ချစ်သော..ဖဲကြိုးဝါကလေးရယ်…
(လက်နက်မပါဘဲ…
စစ်ဝင်္ကပါမှာ ငါ…မတိုက်ရဲဘူး…)
ညံ့တယ်လို့ပဲ…
လက်ညှိုးထိုးပြီး ပြောလိုက်ပါတော့…။

လျှပ်စစ်မျှင်တန်းလို…
ပူလင်းပြင်းထန်လွန်းတဲ့
သူရူးတစ်ယောက်ရဲ့ ပွေ့ဖက်မှုတွေထဲ…
ခု…ရထားတို့ ဥသြဆွဲလိုက်ကြပြီ…
“…ပြီးဆုံးသွားပါပြီ…
…အားလုံး ပြီးဆုံးသွားပါပြီ…”တဲ့။

(၂)
အရှေ့လေတွေတိုက်တုန်းက
ခါးကုန်းနေတဲ့ ငါတို့ရဲ့ မြရာပင်အိုကြီးဟာ
တုန်ယင်ချည့်နဲ့စွာ ယိမ်းထိုးနေတော့တယ် …။

ကျောင်းတော်ရဲ့ စည်းအပြင်
နှောင်းရိပ်တွေ တစ်လွင်လွင်နဲ့
ထင်ယောင်ထင်မှား
လမ်းပေါ်မှာ ငါစဉ်းစားတာ…
နင့်အကြောင်း ခေါင်းစဉ်များစွာပါပဲ။

ထိပ်ထားရယ်...
အီဂျစ် ပြက္ခဒိန်ထဲက
မိုးတိမ်တွေ ရွာမယ့်နေ့
နင်နဲ့ငါ ပြန်လည်ဆုံတွေ့ကြရင်
ဒီအကြောင်းတွေ ပြောပြချင်ပါသေးတယ်..။

ငါက ဆပ်ပြာပူဖောင်းကို ခိုစီးပြီး
မြင့်မိုရ်တောင်ကြီးနဲ့တိုက်မိမှာ
စိုးရိမ်ရှာသူ မဟုတ်ခဲ့…၊
ဒါပေမဲ့…
လေပွေလမ်းကြောင်းများမှ
တုန်ဝါးဖျော့အေး
“သစ္စာ”ကို ပဲ့တင်သံနဲ့ပဲ ပြန်ပေးနိုင်ခဲ့သူ…။

ငါ့ကိုသတ်…ငါ့ရင်ဘတ်ကို ထိုးခွဲဖောက်လှန်ကြည့်
ငါ့လက်သီးထဲမှာ ကျစ်ကျစ်ပါအောင် ဆုပ်ထားတဲ့
သုညတစ်လုံးပဲ ရှိလိမ့်မယ်…။

ဝိုင်ယာကြိုးတွေ
“ထောင်း”ခနဲ မီးပွင့်ပြတ်တောက်ပြီး
ရုတ်ချည်း မှောင်အတိကျသွားတဲ့
“အန္ဓ”တို့ရဲ့ အိမ်အိုမှာ…
တေလေပီသစွာ…ငါနေတယ်။

တိတ်ဆိတ်…ပြာလဲ့နေတဲ့ည…
ရေတွင်းထဲ ခေါင်းငုံပြီး…
“….”ကို ချစ်တယ်…လို့
ဘယ်ဆီဘယ်ဝယ်…ဟစ်အော် တမ်းတရတာ..
ဘာကြောင့်ပါလဲ…။

“အုံ့ပုံးချစ်” သီချင်းကို
မဆိုချင်ဘဲ ဆိုရတာ
ရွှေရည်စိမ်ထားတဲ့ လက်ပစ်ဗုံးကို
ကိုက်မျိုရသလိုပါပဲ…လို့
အက်ကွဲနေတဲ့ မယ်ဒလင်ကြီးက…
ငါ့ကိုပြောပြတယ်။

အဲဒီလိုနဲ့…
မိုးကို ဆန့်မြှောက်ထားတဲ့
မမီနိုင်သော ကမ်းလက်တွေဟာ
ဟိုး…တုန်းကလိုပဲ
ငါ့ဆီမှာ…မြေမှုန်တွေ စွန်းထင်လျှက်ပါပဲလေ…။

(၃)
“လူဆိုတာ…
လင်းဝေစိမ်းမြတဲ့ ပန်းညများစွာထက်
သရဲခြောက်ရာ ညတစ်ညကို..ပိုသတိရတတ်တယ်”

ငါသေသွားခဲ့လို့ရှိရင်
ငါ့ရဲ့သင်္ချိုင်းဂူမှာ…
ကြက်ခြေခတ်တစ်ခုကိုသာ
မှတ်တိုင်အဖြစ် စိုက်ပေးထားပါ။
တကယ်တော့…အဲဒါဟာ
ငါသိသမျှ လောကဓမ္မကို
အကြွင်းမဲ့ ဖော်ပြသွားခြင်းပဲ ဖြစ်လိမ့်မယ်။

ဟိုးငယ်ငယ်…ကျောင်းမပြေးတတ်ခင်တုန်းက
ခရေပွင့်ပြထားတဲ့ သင်္ချာတစ်ပုဒ်
ငါ့အပေါ် ခုန်အုပ်ပြီး
မင်နီတွေ ရဲခနဲ့ သုတ်သွားဖူးတယ်။

ငါ…သတ္တိကောင်းကင်မှာ..နီလွင်ထစ်ချုန်း
တစ်…နှစ်…သုံး
အနက်ရှိုင်းဆုံး ထိုးကျပစ်လိုက်တယ်။
ထူးလှတယ်တော့လည်း မဟုတ်ပါဘူးလေ…

ကြောက်မက်ဖွယ်ရာ လူတွေရဲ့
မဟာဘုတ် ဗေဒင်ထဲမှာမှ
ငါကလည်း “အဓိပတိဘွား” ဖြစ်ချင်ခဲ့တာကိုး။

အိမ်အပြန် ညများစွာမှာ…
ဘယ်သူမှ မပြောချင်တဲ့စကားတွေ ပွေ့ပိုက်
ကိုယ့်ကိုယ်ကိုယ် “လူမိုက်”လို့ပြန်ခေါ်ခဲ့ရတယ်။

၁၉၉၃…၁၉၉၄…
ငါ့ကဗျာလေးတွေ ဆွေးမြေ့ကြေကွဲ
လမ်းဘေးအုတ်ခုံပေါ် လဲကျနေတယ်…။

နှင်းမြားတစ်လက်ရဲ့ အဆိပ်နဲ့
နိမိတ်မကောင်းတဲ့ပုံပြင်
မမြင်ဘူးသော နေ့များ…ညများ
ပိတောက်ပိုင်းဖျားမှာ…၀ပ်တွားစုရုံး
ငါ့ကို…ချည်ထုံးခဲ့တာ…
(ခု…အချိန်တိုင်အောင်…)
အလင်းစိမ်းတန်းတွေ ရစ်ဖွာလို့ကွယ်။

(၄)
မြို့ပြင်လမ်းကွေ့က
တွေ့ခဲ့ဖူးတဲ့ ဂျစ်ပဆီတွေလို
ဖြစ်ခဲ့သမျှကို
ရယ်ကာမောကာ ပြန်ပြောနိုင်တဲ့ အကျင့်လေး
သွေးအေးအေးနဲ့ ကြိုးစားမွေးနိုင်ခဲ့ပြီ။

ဘာပဲဖြစ်ဖြစ်
ကျောက်ခေတ်၊ကြေးခေတ်
နျူကလီးယား ကင်ဆာ၊ အနာဂတ်ခေတ်
အားလုံးအတွက်
သေချာတဲ့ ငါ့…ကြေညာချက်ကတော့
နင့်ကို ထာဝရ ချစ်နေမယ်ဆိုတာပါပဲ…။

ထိပ်ထားရယ်…
ဖြစ်နိုင်မယ်ဆိုရင်…
ဂန္ထ၀င် ပန်းပုရပုဒ်မှာ…
နန်းသုံးအက္ခရာနဲ့ ခြယ်မှုန်း
နင့်နာမည်လေး စာသုံးလုံးကို
စီရီသီကုံးပေးချင်တယ်…။

နင့်အပေါ်ထားတဲ့ ငါ့ရဲ့ချစ်ခြင်းမေတ္တာဟာ
မိုးပေါ်ကိုဦးမော့ပြီး
ဝင်းပစွာ လင်းမြတုန်ခါနေတဲ့
ရွှေဝါရောင် မီးတောက်မီးလျှံလိုပါပဲ…။

ကျောင်းရှေ့က စံပယ်ရုံမှာ
ဗီးနပ်စ်ရဲ့ နက္ခတ်တို့ တလက်လက် ပြာဝေမှုန်သင်း
ကျောင်းခန်းတွင်းမှာ…
လမင်းကလေး သာခဲ့ဖူးတယ်… …။

ချစ်သော ကျောင်းသွားဖော်ရဲ့
ပန်းရုပ်လွှာကို မျှော်တွေးရင်း
ဆွေးလျညှိုးခွေ ဖြေမပြေသူလေး အတ္ထုပ္ပတ္တိ
မြရာပင်ကြီး သိပါတယ်။

ကမ္ဘာဦးလူတို့လည်း (ဂူနံရံမှာ)
ငယ်ကျွမ်းမျက်နှာေ၀၀ါး
ပညာရှင်ကြီးများရယ်…
ပါဠိစာလုံးတွေနဲ့
ငါ့အပေါ် မဆုံးဖြတ်ပါနဲ့ဦး…။

“ချစ်သူကိုတောင်
ချစ်တယ်လို့ မပြောရဲတဲ့ကောင်…
ရာစုတစ်ထောင်နေရစ်ခဲ့…
ထိုသို့ဖြင့် စကားမဲ့စေသတည်း”

မြရာပင်ကြီးရဲ့
ညည်းတွားသဲ့သဲ့ သန်းခေါင်ယံ
ငှက်ဆိုးအုပ်နဲ့အတူ
ရုတ်တရက်လန့်ပျံသွားတယ်…။

ချို့တဲ့သော ကျောင်းသားဘ၀
ဆန္ဒရဲ့ မပြေလည်မှု
အနီရောင်မှတ်တမ်းတစ်ခုနဲ့ ချစ်သူအတွက် ပန်သစ္စာ
သြော်…ငါ့ကိုလေ…
နားလည်ပါ…နားလည်ပါ…
နားလည်စမ်းပါ…။

(၅)
အဲ့ဒီနေ့ရက်တွေမှာ
မာရ်နတ်ရဲ့ ဘယ်ဘက်လက်က
အနက်ရောင် ကျမ်းချပ်တစ်ပိုဒ်ဟာ
ငါ့ကို စီးနင်းတိုက်ခိုက်ဖို့
မြင်းကကြိုးတို့ကို ပြင်လို့“သ”လို့နေခဲ့ပေါ့။

ဘာပဲပြောပြော
ရွှေနဲ့စက်ဝယ်လို့ မရတဲ့
နောက်ဆုံးကလူရဲ့ အတွေ့အကြုံမှာ…
သံမှုန်တွေ ကပ်ပါနေရဲ့
ငါ…ဘာကိုမှ မကြောက်ခဲ့ဘူး။

ဟောဒီလောက တောက်လျှောက်
“ကျောက်သင်ပုန်းပေါ်က သုညနဲ့စာရင်
ဗလာစာအုပ်ပေါ်က သုညကမြတ်တယ်”တဲ့
အဲဒီအော်သံကို ငါရယ်နေခဲ့တယ်။

“မင်းကကော…ဘာလဲ” လို့
အနန္တတွေက ၀ိုင်းမေးတော့
၁…၂…၃…၄…၅…
ငါ…အကုန်စဉ်းစားတယ်
၆…၇…၈…၉…၀…
တစ်ခုမှမဟုတ်ဘူး
ငါ့အတွက် ဂဏန်းမရှိဘူး …။

သွေးနဲ့ယက်တဲ့ ကတ္တီပါစလို
နီလွရှင်းတောက်
ကြောက်ခမန်းလိလိ လှပတဲ့
နှလုံးသားက ဂီတသံစဉ်
နှင်းဆ၀ိညာဉ်မှာ တင်တဲ့ကမ္ဗည်း
လကွယ်ညရောက်တိုင်း…ငါ
ဂစ်တာတီးနေမယ်…။

ကျဆုံးတော့မဲ့ စစ်သူရဲအိုက
ငယ်ဘ၀က ဓားနဲ့ချစ်သူကို
ပြင်းရှစွာ သတိရလိုက်သလိုမျိုး
နင့်ကို ငါသတိရနေတယ်။

ထိပ်ထားရေ…
ထိပ်ထားရေ…
ထိပ်ထားရေ…
သစ်ခုတ်သမားတွေ မရှိတဲ့တိုင်းပြည်မှာ
ငါ…လယ်သမား ဖြစ်ချင်တယ် …
နင်…ဘုရင်မ…လာမလုပ်ရဘူးနော်။

တော်တော်ကြာ…
တံစဉ်တစ်လက်ရဲ့ ကျင့်ဝတ်မှာ
သန်လျက်အတွက် ပန်းခူးပေးခွင့် မပါလို့…
ရွာဇနပုဒ်နဲ့ မိုးရေထဲ
ငါ…တစ်ယောက်တည်း
မျက်ရည်ဝဲနေရပါဦးမယ်…။

ငါကလည်း ခက်တယ်…
ကဗျာတစ်ပုဒ်နဲ့
နေမ၀င် အင်ပါယာ
ဘယ်ဟာယူမလဲလို့ မေးလာရင်
ဒုတိယအရာကို ငါ…ငြင်းတယ်…။

အဲဒီလိုနဲ့ပဲ
မှောက်ထားတဲ့
ငါ့ရဲ့ ကံကော်ရွက် ဖဲချပ်ကလေးတွေ
လောကကြီးကို အမျှဝေရင်း
ကာလများစွာ…ကြာပြီကောလေ…။

(၆)
တောင်ညိုမှာ ပျိုးတဲ့မိုးတွေ
နင့်မျက်နှာလုံးကို တိုးသက်တဲ့အခါ
တောင်ပင်လယ်က ဗေဒါတွေဟာ
ဆောက်တည်ရာမရ ဖြစ်ကုန်ကြတယ်။

ဟေး … ငါပြောမယ် …
… … အက်ဆစ်တိမ်ခိုး…တို့
မုတ်သုန်ကို နှိုးပါ
ဒီလူဆိုးအတွက်လည်း
မိုးကြမ်းတို့ တစ်စက်စက်ရွာပါ…။

“မထိုက်တန်သူဆိုတာ
လွင့်မျောရမှာပါပဲ…”
ခွဲခွာခြင်းဟာ …
ခရမ်းပြာကျည်ဖူးကို
အဆိပ်ချိုတွေ လိမ်းသုတ်
နှလုံးသား တည့်တည့်ဆီ
ချိန်ရွယ် မောင်းဖြုတ်လိုက်တယ် …။

သက်ပြင်းဝေေ၀
ခရေတို့ နှင်းစက်ဖားလျား
မျက်ရည်ကိုစားတဲ့
ချောက်ချားဖွယ် စကားမဲ့ည
ငါဟာ … ထက်ပိုင်းချိုးခံရတဲ့
တစ်ခြမ်းပဲ့ “လ”ပဲ ဖြစ်တယ်။

အိပ်မက်ထဲက ကမ္ဘာစစ်လို
အရိုးပြိုင်းပြိုင်းညနေအိုက…
မြေကိုရှိခိုး …
မြူခိုးတို့ ပျောင်းအိညွတ်တွဲ
လူငယ်ဘ၀ရဲ့
ညရိပ်တို့ မှုန်ေ၀၀မ်းနည်းခဲ့ရတယ်။

အခင်ဆုံး မဖြစ်ခဲ့ပေမဲ့
အခင်ဆုံးတွေအကြောင်း ပြောတိုင်း
သတိရမိနေကျ သူငယ်ချင်းတစ်ယောက်ဆီ
ငါ…မရောက်ရောက်အောင် သွားမယ်…။

ပြီးတော့…
ခရိုးခရိုင်…လက်ဖက်ရည်ဆိုင်လေးမှာ
ကဗျာအကြောင်း စာအကြောင်းတွေပြောရင်း
ကိုယ့်ကိုယ်ကိုယ် ပြန်လည်ဖန်ဆင်းပစ်မယ်..ကွယ်။

အရက်သမားက
သူတစ်ပါးကို လွမ်းဆွတ်တာ
ရယ်စရာ မဟုတ်ပါဘူး
တစ်ရံတစ်ခါရဲ့
ပြန်မလာတဲ့သူတို့
သိကြဖို့ကောင်းတယ်…။

လေညင်းကလေးရေ…
ငါ ချစ်မြတ်ရတဲ့ ကမ္ဘာရဲ့ထိပ်ထားကို
သူ့ဆံနွယ်ခက်လေးတွေ
ဖွားခနဲ လွင့်ဝဲသွားရုံ
တစ်ချက်လောက် အုံ့သည်း တိုက်ခတ်ပေးပါ…။

လေစီးထဲမှာ
ဖွာကြဲလှပနေရှာမဲ့
သူ့ရဲ့ကေသာဆံမြကို
အဝေးကနေ…ရှိုက်မွှေး လွမ်းဆွတ်ပါရစေဦး နော်…။

(၇)
အထီးကျန်တောင်ကို အုပ်စိုးဖို့
နတ်ပြည်က ရွာချတဲ့
ငါ့အတွက်…အညတရမိုး…ရေ
နေပါစေတော့ …။

အဲဒီညဟာ
တစ်ခြမ်းပဲ့ “လ”က
အသက်ပေးပြီး ကာကွယ်ခဲ့ရတဲ့
အလံမလံမီ “ည”…ဖြစ်တယ်။

မြက်ရိုင်းက…
မိုးကုပ်စက်ဝိုင်းကို နမ်းမရသလိုမျိုး
နေနဲ့လက…
တစ်ယောက်ကိုတစ်ယောက် မပိုင်ဆိုင်နိုင်ကြသလိုမျိူး
ရိုးသားစွာ…တို့ဝေးလိုက်ကြပါစို့။

ချစ်သူကို မြတ်နိုးရုံနဲ့
အရာရာကို လက်ဖြန့် မိုးစောင့်ရှောက်ချင်တဲ့လူငယ်
ခု …ချွင်းချက်နဲ့ လက်နက်ချလိုက်ပါတယ် …။

တေလေဘ၀ရဲ့
ပထမဆုရ အမှားတွေကို
လွယ်အိတ်ညိုထဲ ထည့်ပြီး
မီးအိမ်လက်ဆွဲ…
ရာဇ၀င်ထဲမှာ ခရီးဆက်ရဦးမယ်။

ထိပ်ထားရေ …
ကချေသည်တို့ရဲ့ တေးတွေနဲ့
ငြိမ်အေးပျော်ရွင် ထာဝစဉ် ချမ်းမြေ့စေသား …
ကောင်းသော မိုးသောက်ချိန်၌လည်း
ငြိမ်သက်တည်ကြည်စေ…
ငါ … ဆုတောင်းပေးနေမယ်…။

ပန်းခူးရင်း
သူငယ်ချင်းတွေနဲ့နေရင်း …
စကားပြောရင်း …
သီချင်းလေးတွေဆိုရင် …
မင်း …ငါ့ကို မေ့သွားမှာပါ …။

ခုတော့…သွားတော့နော်
ငါ ချစ်မြတ်ရတဲ့ နေရောင်ခြည်တွေနဲ့ မိန်းမပျိုကို
“ဘ၀” ဆိုတဲ့ မာယာနိုင်ငံအိုက …
စောင့်ကြိုလို့ နေရော့မယ် …
သာမည လမ်းခွဲမှာ …
ဝမ်းမနည်းသလို ငါတို့နှုတ်ဆက်
မနက်ဖြန်ခါမှာ … အောင်မြင်ပါစေ
မနက်ဖြန်ခါမှာ … အောင်မြင်ပါစေ
မနက်ဖြန်ခါတိုင်းမှာ … အောင်မြင်ပါစေ …
ထိပ်ထားရေ။

တာရာမင်းဝေ

မိုး

ချစ်သူရေ
ဟောဒီ ကောင်းကင် တစ်ရိုးက
ရေခိုးရေငွေ့ အိုးကြီးကို
မိုးတိမ်လို့ ခေါ်ကြလေရဲ့။

ကိုရွှေမုတ်သုံလေက
သူခြေထောက်ကို သူဂရုမစိုက်
အိုးကြီးကို တည့်တည့် ၀င်တိုက်တယ်။

အိုကြီးလည်း ဗိုက်ပွင့် ကွဲကြေ
သေပါလေရော။

အိုးခြမ်းကွဲထဲကနေ
ရေစက်တွေ ရေစက်တွေ
ဝင်းဝင်းလက်လက်
လင်းတစက်စက် စီးဖြိုင် ညွှတ်ကျ။

ကျောက်ဆောင် ကျောက်မြေနဲ့
စောင့်နေတဲ့ ပင်လယ်အော်တွေလည်း
သွားရည်တမြမြ
ပါးစပ်ကြီးတွေ ပြဲလန်အောင် ဟလို့ပေါ့။

အို ချစ်သူရေ
ဟိုးအရှေ့မှာ မိုးတွေ ရွာပြီ။

လာ ရဲရဲလာ
ထီးရွက်တွေ မပါလည်း
လူဟာ ကိုယ့်ဖာသာ လျှောက်ရဲရမယ်ကွယ့်။

ငါတို့ရဲ့ မိုး
ဂျိုးဂျိုး ဂျိမ့်ဂျိမ့် လှပ
သူ
ရှိုက်ကြီးတငင် ရွာချပါစေလားကွယ်။

တာရာမင်းဝေ
“မိုးခေါင်လို့ တီးတဲ့ဗုံသံ” မှ

ပင်လယ်ရေးတဲ့စာ

ရေတံခွန်ကြီးတစ်ခုလို ခုန်ချလိုက်ချင်တယ်
မြင်းမိုရ်တောင်ကိုလည်း မိုးကြိုးပစ်ချလိုက်ချင်ရဲ့။
ကျောက်မြင်းရုပ်ကြီးလိုပဒပ်ရပ်ထချင်တယ်
ပင်လယ်ကဗီးပင်တွေလိုလည်းတရှဲရှဲအော်လိုက်ချင်တယ်။
ခုတော့....ဘယ်ဖြစ်တော့မှာလဲ
သူမက
ငါ့ကို
ငြိမ်ငြိမ်လေးပဲ
လက်ပိုက်ရပ်နေတဲ့....။

တာရာမင်းဝေ

နွား

မနှင်းဆီဆိုတဲ့ ကြောင်မလေးကို
ပန်းဝါတစ်ပွင့် လှီးကျွေးရတယ်။

သမံတလင်းပေါ် လွတ်ကျသွားတဲ့
ရထားငယ်အော်သံကို ပြန်ကောက်တယ်။

ဝတ်ရည်ကိုင်းတစ်ကိုင်းကို
တနင်္ဂနွေနေ့နဲ့တိုင်းပြီး ချိုးပေးရတယ်။

တစ်ဘ၀လုံး လိမ်းကျံခဲ့သမျှ
ရွံ့စေးလို ကွာကျမယ်မှန်း မသိဘူး။

အံ့သြစရာတော့ မဟုတ်ပါ။

မထားခဲ့ဖို့ ဆိုင်းညို့ တောင်းပန်ရင်း
အုန်းလက်နွားတစ်ကောင်လို ကျန်ခဲ့ရသူပါ။

တာရာမင်းဝေ