သစ်ပင်သေဂီတ

ဓားသွေးတဲ့အသံကို
ဂီတမဆန်ဘူးလို့ ဘယ်သူပြောမလဲ
သူလိုငါလို အသက်ရှုရဖို့တောင်မှ
ခွင့်စာရေးပြီးတင်ခဲ့ရတယ် ဟောဒီ၎ ‘သား’ကို
အမေက
ဝဋ်နာကံနာ တစ်ခုလိုချစ်ခဲ့တယ် …
မေမေရေ …
သားဟာမေ့မေ့အတွက်
လက်လွန်သွားခဲ့တဲ့ ဒဏ်ရာတစ်ခုပေါ့
အပွင့်တွေခူးဖို့
တစ်ပင်လုံးခုတ်လှဲခံထားရတဲ့ ပိတောက်ပင်လို
မေမေ့ကိုမြင်မိတယ်
(အစကတည်းက ဒီလိုမှန်းသိရင်
သား … မဖူးပွင့်ချင်ခဲ့ပါဘူး မေမေရယ်)
“နာကျင်နေတဲ့ နှလုံးသားကို
ရှာဖွေရတာ အလွယ်ကူဆုံးပဲ” … တဲ့
သစ်ခုတ်ဓားဟာ
အမေ့နှလုံးသားကိုပဲ
“အလွယ်တကူ” ရှာဖွေထိုးစိုက်ခဲ့တော့တယ် ….

မင်းခိုက်စိုးစံ